ముంబై: లెజెండరీ క్రికెటర్‌ సచిన్‌ టెండూల్కర్‌ తన ఆప్త మిత్రుడు వినోద్‌ కాంబ్లికి ఓ సవాల్‌ విసిరాడు. అంతేకాకుండా ఆ చాలెంజ్‌ను కేవలం ఏడు రోజుల్లో పూర్తి చేయాలని మరో మెలిక పెట్టాడు. అయితే సచిన్‌ సవాల్‌ను కాంబ్లి స్వీకరించాడు. వారం రోజుల్లో సచిన్‌ చెప్పిన పనిని పూర్తి చేస్తానని కాంబ్లి ధీమా వ్యక్తం చేస్తున్నాడు. ఇంతకీ ఆ చాలెంజ్‌ ఏంటంటే.. గతంలో బాలీవుడ్‌ సింగర్‌ సోనూ నిగమ్‌తో కలిసి సచిన్‌ 'క్రికెట్ వాలీ బీట్ పే' అనే సాంగ్‌ను పాడిన విషయం తెలిసిందే. అయితే ఆ పాటకు కేవలం ఏడు రోజుల్లో ర్యాప్‌ చేయాలని కాంబ్లికి సచిన్‌ సవాల్‌ విసిరాడు. ఈనెల 28 లోపూ ‘క్రికెట్ వాలీ బీట్ పే’కు ర్యాప్‌ సాంగ్‌ పాడకుంటే కాంబ్లి తనకు ఏదో రుణపడి ఉంటాడని సచిన్‌ పేర్కొన్నాడు.
కాంబ్లికి సచిన్‌ సవాల్‌.. వారం రోజులే గడువు!
• ANDHRAWALA
